Izena eman daiteke Txinpirin eta Zarautz Txiki abesbatzetan

Abestea gustuko duten 19 urtez azpiko zarauztarrentzat besoak zabalik dituzte Txinpirinen eta Zarautz Txikin.

Txinpirin edo Zarautz Txiki abesbatzan izena eman nahi duenak egunotan izango du aukera, abesbatza.zarautz@gmail.com helbide elektronikora idatzita.

Txinpirin abesbatza 7 eta 10 urte bitarteko haurrek osatzen dute eta ostiraletan izaten dira entseguak, 18:00etatik 19:00etara. Zarautz Txiki abesbatzak, berriz, 11 eta 19 urte bitarteko kideak ditu, eta hauen entseguak astelehenetan eta asteazkenetan izaten dira, 19:00etatik 20:00etara. Zarautz Txiki irailaren 23an hasiko da biltzen, eta Txinpirin, 27an.