Irudietan: Eguraldi ederrarekin ospatu dute Txirrindulari Txikien eguna

Familia ugari bildu dira Txirrindulari Txikien egunean, eta herrian barrena aritu dira bizikleta martxan. Eman pausoak gurekin lelopean, beste urte batez arrakastatsua izan da udaleko Mugikortasun eta Kirol sailak Zarauzko Zikloturista elkartearekin lankidetzan antolaturiko ekintza.

11:00etan elkartu dira parte hartzaileak Lizardi institutuaren kanpoaldean, eta herrian zehar 2,5 kilometroko ibilbidea egin ondoren, itsas pasealekuan amaitu dute martxa. Hamaiketakoa eta beste izan dute bertan.

Iker Basurko Mugikortasun zinegotziak ostiraleko prentsaurrean adierazi zuenez, "ekimen honen helburua oinezkoak eta txirrindulariak kalean seguru ibiltzea eta seguru sentitzea da".