Urriaren 12a Hispanitatearen eguna da, eta egutegiko jaiegunetako bat izaten da. Jaiegun "arrotza" dela iritzita, urtero hainbat ekitaldi izaten da herriz herri. Zarautzen, esaterako, goiz osorako jardunaldia antolatu du herriko hainbat taldek.
Indar okupatzaileak kanpora, gora herri okupazioa! lelo hartuta, Frontoi Txikian 10:00etan elkartuko dira. Euria egiten badu, berriz, Putzuzulo gaztetxean izango dira ekitaldiak. Egitaraua, honakoa izango da:
- 10:00. Solasaldia. Zarauzko preso ohi baten esperientzia.
- 11:15. Mahai ingurua. Ikasle autodefentsa sareak: Orixeko eta Eunateko kasuak.
- 12:30. Manifestazioa. Alde hemendik! izenburupean, udaletxe plazatik hasita.
- Ondoren. Mokadua, Putzuzulo gaztetxean.