Gaur goizean, III. Zarautz Bihotzetik elkartasun lasterketa jokatu da, eta 50 lagun inguruk korrika egin dute sortzetiko kardiopatia dutenen alde, Bihotzez elkarteak antolatuta. Parte-hartzaileek 4,9 kilometroko ibilbidea osatu dute, eta Kamel Ziani izan da azkarrena, ibilbidea 15:38 denboran eginda. Bigarren sailkatu da Juan Jose Beracierto (15:48) eta hirugarrena izan da Iñigo Exposito (16:06).
Bestalde, emakumezkoen artean, Izaro Ibarguren (19:59) izan da helmugara iristen lehena; bigarren sailkatu da Sara Mancisidor (20:01), eta hirugarren Idoia Eceiza (22:21).
Lasterketaz gain, aurten estreinakoz, Bihotzez elkartearen aldeko oinezko martxa ere egin dute herritarrek.