Gizartea gero eta sentsibilizatuago dago bularreko minbizia bezalako gaitzekin, eta Zarauzko Udalak ere bat egin du gaurko nazioarteko egunarekin. Hain zuzen, asteazkenean egin zuten agerraldia udal agintari eta zinegotziek herriko AECC elkarteko kideekin batera.
Minbiziaren aurkako elkartea da AECC, eta dirua biltzeko kanpaina abiatu dute. Zer helbururekin? Bada, bularreko minbiziarentzako tratamendu berri bat gauzatu ahal izatea. Hala, diru ekarpena egin nahi duenak horretarako aukera du retoaeccgipuzkoa.com webgunean.