Play-Eruak Txapelketako lehen edizioak baditu bere txapeldunak

Play-Eruak Txapelketako partida batean, gola sartzeko unean. (Aritz Mutiozabal)

Infantil eta kadete mailako 33 talde aritu dira nor baino nor atzo eta gaur hondartzako futbolean, Plaieroetako antolakuntzaren ekimenez.

Atzo ligaxkako partidak jokatu zituzten, eta horrek zehaztutako sailkapenaren arabera, gaur azken txanpako kanporaketekin hasi dira zuzenean: final-laurdenekin ekin diete, finalerdiekin jarraitu eta finalekin amaitzeko. Herritar dezente gerturatu da hondartzara eta malekoira neska-mutil gazteen jokoaz gozatzera.

Egia esan, lagunartea, kiroltasuna eta giro ona gailendu da guztiaren gainetik, eta hori dena eguzkia lagun izanda. Arraio Irratiko lagunak aritu dira partiden nondik norakoak azaltzen, ikusleak animatze aldera. Talde irabazleek eta bigarren sailkatuek saria jaso dute, eta, horrekin batera, Hondartzako Futbol Txapelketako finalean (maiatzaren 10ean) gaur jokatu duten finala berriz jokatzeko aukera izango dute,

Bestalde, parte hartzaile guztien artean hainbat futbol elastiko eta opari zozkatu dituzte. Era berean, txokolate beroa eta gailetak ere banatu dituzte.

FINALEKO PARTIDAK
Infantil mutilak
Fontaneroak - Zepastek 1-1 (penaltietan Zepastek garaile)

Infantil mistoa/neskak
Klaus - Etc 9-0

Kadete mutilak
Naranja Mekanika - Manolo FC 0-2

Kadete mistoa/neskak
Paleti's Team - Trabass 3-0

Erlazionatuak

Irudietan: Play-Eruak Txapelketaren bigarren egunak eman duena

kirola

I. Play-Eruak Txapelketa jokatu dute asteburu honetan. Atzo ligaxkak jokatu bazituzten, gaur kanporaketa bidez erabaki dituzte irabazleak.
Irudietan: Jokatu dituzte Play-Eruak Txapelketako ligaxkak

kirola

Gaur hasi dira jokatzen DBHko ikasleei zuzendutako I. Play-Eruak Hondartzako Futbol Txapelketa. Lehen egun honetan ligaxka moduan aritu dira lehian...
Bideoa: I. Play-Eruak Txapelketa

kirola

Asteburuan estreinakoz jokatu da Play-Eruak Hondartzako Futbol Txapelketa, DBHko ikasleei zuzenduta. Ikus-entzunezko honetan ikusgai dago igandeko ...