Gela programaren barruan, Magnum argazki agentziak zinemaren munduarekin izan duen harremana aztertuko dute ostiral honetan Photomuseumen. Robert Capa, Eve Arnold edota Henri Cartier-Bresson bezalako argazkilari garrantzitsuen lanik onenak erakutsiko dira, eta, tartean, haien ikonikoen irudiak: Marilyn Monroe, James Dean, Ingrid Bergman, Kate Winslet edo Sean Penn.
Magnum agentzia sortzearekin batera, lehen aldiz argazkilarientzat egile-eskubideak finkatu ziren. Bere independentzia inposatu zuen lehen agentzia izan zen. Bere hastapenetan dirua behar izan zuen, eta, Robert Capak diru sarrerak lortzeko modua ikusi zuen Hollywooden.