1.- Ezer baino lehen, Zarauzko hirigintzari buruz Arkamurkak duen iritzia da ez litzatekeela etxegintza edo zerbitzuetarako lur berririk urbanizatu behar, gutxienez Salberdin eta Hegoaldeko eremuak erabat okupatu arte (Zuhurtasun-printzipioa). Beraz, Itxasmendi, Irita, Asti, Eguzki-Izar eta Kortazarreko lurrak eraiki gabe uztearen alde da Arkamurka. Kezka handiz ikusten ditu, baita ere, Frantseskua, Abendaño eta Errotaberrin egiten ari diren lur-mugimendu eta mendi-mozketak.
2.- Arkamurkak uste du karabanentzako nahikoa leku balegokeela Asti aldeko kirolgune ondotik pasatzen autobide azpian. Hor badaude ur-azpiegiturak eta bestelako beharrak asetzeko baldintzak.
3.- Itxamendiko etxeetatik autobide-irteera arteko eremu osoa izan bedi auzo-parke berde ibilgarria (Iritan naturalizatu den eremuaren jarraipen gisa), auzoak ez du eta berdegunerik.
4.- Arkamurka ez da fidatzen “behin-behinekoa” izango delakoarekin. Hor dago Itxasmendin behin-behinean haurtzaindegiaren ondoan antolatu zen auto-aparkalekua. Aparkaleku hori ere kentzearen aldekoa da Arkamurka.
5.- Begi onez ikusten du Iritan Iñurritzako kanalizazioa hautsi eta egin den lur-kentzea. Arkamurkak nahiko luke Iritan Asti errekaren ezker-eskuineko lurrak ere era berean kentzea autobide-irteera eta bide gorrira arte.