Bertan aritu dira Mikel Lopetegi Urra, Hodei Iruretagoiena Izeta IV.a, Jakes Iruretagoiena Izeta V.a eta Iraitz Arruti harri-jasotzaileak. Era berean, Neska-Mutil Ardoko gazteen eta auzoko ezkonduen arteko herri kirol lehia izan da; lokotx biltzen, txingetan, trontzan eta harri jasotzen aritu dira, eta ezkonduak izan dira garaile. Bukatzeko, sokatiran ere neurtu dituzte indarrak, eta, kasu horretan, Neska-Mutil Ardoko gazteak irabazi dute.
Arratsaldean erromeria izango da Elustondo anai-arreben eskutik, auzo elkartean. Bihar, San Sebastina egunarekin, 11:00etan hasita, hamaiketakoa eskainiko dute toki berean.