Herri kirol ikuskizun berezia egin zuten atzo arratsaldean Aritzbatalde pilotalekuan. Izan ere, bi errekor saiakera zeuden jokoan. Batetik, Udane Ostolazak aurreneko marka ofiziala nahi zuen lortu 75 kiloko kubikoa altxatuta. Bestetik, Hodei Iruretagoiena, Izeta IV.ak, bi harri desberdinekin 150 altxaldi egin nahi zituen segidan. Biek lortu zuten euren helburua.
Kontuak kontu, aurrena, harri-jasotze erakustaldia egin zuten Mikel Lopetegi Urra, Aimar Irigoien, Unax eta Jakes harri jasotzaileek. Era berean, Arria V.ak eta Txapartegik pentatloiko probak egin zituzten.