Inauteriak 2020

'Galtxagorrien jaitsiera' egingo dute lehen aldiz ostiralean

Kalejira iragartzeko Maider Leturiagaren kartela

Inauterietako egitarauaren barruan, Jalgi Dantza Taldeak kalejira berria antolatu du, eta euskal mitologia izango du ardatz.

Galtxagorrien jaitsiera antolatu dute lehen aldiz Jalgi Dantza Taldeko haur, gazte, zein helduek. Inauterietako egitarauaren barruan, ostiralean 18:30ean izango da kalejira, eta herriko kaleetan zehar ibiliko dira dantzariak eta musikariak, galtxagorri, lamia, sorgin, jentil, zanpantzar edo Mariren paperean.

Imanol Urbieta Musika Eskolatik abiatuko dira, eta Zigordia kalea, San Frantzisko eta Kale nagusia zeharkatu ondoren, geldialdia egingo dute Musika plazan. Bukatzeko, Lege Zaharren Enparantzan egingo dute azken ekitaldia, akelarrea.

 
 
Erlazionatuak

Sei egunetako festa antolatu dute Inauterietarako

Zarautz

Otsailaren 20tik 25era bitartean ospatuko dira Zarauzko Inauteriak. Ekimen ezberdinez osatutako egitarau zabala prestatu dute hainbat eragilek, hai...