Itsasoak hondar ugari eraman du dunetatik

Bart gaueko itsasgoraren eraginez, itsasoak hondar ugari eraman du Zarauzko dunetatik. Ondorioz, hareazko horma zorrotz bat bihurtu du. Kalteak ere sorrarazi ditu.

Dunetara ez sartzeko zegoen hesituraren zati handi bat apurtu du itsasoak eta biotopoko oinezkoentzako pasabideko lehen eskailerako heldulekuak matxuratu ditu; eskailerak ez dira hondarretara iristen, metro eta erdi pasako altuerarekin.