Konfinatuta. Hala jarraituko dute herritarrek datorren astean ere, baina itxialdia arintzeko bertso saioa antolatu du Urolako Komunikazio Taldeak. Egoerara moldatuta, noski. Hain zuzen ere, Hangouts bidez egingo dute bertsotan Eneritz Artetxek, Jokin Urangak, Beñat Lizasok, Jon Gurrutxagak eta Iñigo Mantzizidor Mantxik, eta Zarauzkohitza.eus-en ikusi ahal izango da emanaldia streaming bidez. Ostegunean izango da zuzeneko saioa, 18:30ean hasita, eta Uztarria.eus-en ikusi ahal izango da.
Jon Zaldua arduratuko da horiei gaiak jartzeaz, baina gaiak ez ditu berak proposatuko: herritarrek izango dute horretarako aukera. Datorren asteartera bitartean jasoko ditu Zarauzko Hitzak bost bertsolari horientzako gaiak. Herritarrek zuzendaritza@ukt.eus helbidera bidali beharko dituzte proposamenak.