Joxean Urbieta eta Maixol Ruiz kantuan gaur, #EtxetikMundura egitasmoan

Hainbat abestiren atalez osatutako emanalditxoa eskainiko dute gaurkoan Joxean Urbieta eta Maixol Ruizek.

Urolako Komunikazio Taldeak (UKT) martxan jarritako #EtxetikMundura egitasmoak ez du etenik, eta gaurkoan ere eskualdeko sortzaileen emanaldiak ikusteko parada izango da,  20:00etatik aurrera. Zarauzkohitza.eus-en Joxean Urbieta eta Maixol Ruiz izango dira; Baleike.eus-en Molly Bux abeslaria, Karkara.eus-en Joseba Aparicio musikaria, eta Maxixatzen.eus-en eta Uztarria.eus-en Udal Musika Bandetako kideek eskainiko dute emanaldi bateratua.

Horiek guztiak 20:00etatik aurrera izango dira ikusgai izango dituzue bai UROLA KOSTAKO HITZAren webgunean, baita Erlo Telebistan ere. Dagoeneko bertan ikus daiteke aurreko egunetan eskaini diren emanaldi guztiak.

Gogoan izan #EtxetikMundura egitasmoaren deialdia irekia dela. Beraz, eskualdeko herritar guztiek izan dezakete emanaldi hauetan parte hartzeko aukera, edozein kultur adierazpenekin lotutako emanaldiak onartzen baitira. Animatu eta bidali zuen bideoak zuzendaritza@ukt.eus e-posta helbidera!