Urteurren festan murgilduta dabiltza Arraio Irratiko kideak. Hori dela eta, Bapateko Unibertsoa saioa ere berezia izango da gaurkoan. Zuzeneko bertso saioa erronka formatuan egingo dute gaur ere, baina uhinek, pertsonek ez bezala, probintzien arteko mugak zeharka ditzaketela baliatuz, Gasteizko Halabedi irratikoek hartuko dute parte gaurkoan, FMko 99.3an.
Izar Mendiguren eta Peru Abarrategi arabarrak eta Markel Eizagirre eta Joritz Bastarrika zarauztarrak ariko dira bertsotan, ohi bezala, 20:00etan hasita.
