Gaizka Garitanok beste denboraldi baterako berritu du kontratua Athleticekin

Zarauzko bizilaguna 2021eko ekainaren 30era arte izango da gizonezkoen lehen taldearen entrenatzailea, eta pozik agertu da kontratua berrituta.

Gaizka Garitanok 61 partidatan gidatu du Athleticeko gizonezkoen lehen taldea, eta gaur jakinarazi du klubak kontratua berritu diola beste denboraldi batez. Hala, Zarauzko bizilagunak jarraituko du zuri-gorriak zuzentzen 2021eko ekainaren 30era arte.

Garitano "oso pozik” agertu da klubak erakutsi dion konfiantzagatik: “Txikitatik izan naiz Athleticekoa, nire bihotzeko taldea da. Hura zuzentzeko ardura izatea erabat pozgarria da niretzat, eta baita erantzukizun handia ere”.