Estropalariek traineruan entrenatzen hasteko aukera izango dute ekainaren 8tik aurrera

Hala azaldu du Arantxa Tapia Eusko Jaurlaritzako Ekonomiaren Garapena eta Azpiegituretako sailburuak, Gobernu Kontseiluaren ondorengo agerraldian.

Ondo bidean, Hego Euskal Herria konfinamenduaren arinaldi faseko 3. fasean sartuko da ekainaren 8an, astelehenarekin. Gaur goizean, Eusko Jaurlaritzako ordezkariek agerraldia egin dute Gobernu Kontseiluaren ondoren, eta fase berriak ekarriko dituen berritasunak izan dituzte hizpide, besteak beste.

Arantxa Tapiak zehaztu duenez, datorren astelehenetik aurrera arraunlariek traineruan entrenatzeko aukera izango dute. Eusko Jaurlaritzako Ekonomiaren Garapena eta Azpiegituretako sailburuak ez du gaiari buruzko zehaztapen gehiago eman.

Erlazionatuak

Uztailaren 4an hasiko da Eusko Label liga

Zarautz

Gaur goizean bildu dira TKEko hamabi klubak aurtengo arraun denboraldiaren nondik norakoak adosteko, eta bilera arratsaldera arte luzatu den arren,...