Gol bakoitzaren ondoren suziria botatzen dute Reale Arenan, eta aurrerantzean Donostian ez ezik, Gipuzkoako hamaika herritan ere ospatuko dituzte Realaren golak, tartean Zarautzen. Hala, Realak gola sartzen duen bakoitzean bi suziri botako dituzte, eta aurkariak gola sartzen duenean bakarra. Antza denez, ohitura hori marinelei Realaren emaitzaren berri emateko sortu zen, eta orain Gipuzkoa osora zabaldu nahi dute.
Zarautzen esaterako, Zurekin elkarteko kideek botako dituzte suziriak. Uste dute herriari bizitza emateko eta, era berean, Reala bultzatzeko modua izan daitekeela. Dena dela, herritarrei eragozpenik ez sortzeko, 22:00ak baino lehen sartzen diren goletan bakarrik botako dituzte suziriak
Hurrengo herriek parte hartuko dute ekimenean, igande honetatik aurrera: Donostia, Andoain, Ataun, Berastegi, Hondarribia, Leaburu, Legazpi, Orio, Oiartzun, Villabonak eta Zarautzek.