Modu alternatiboan ospatuko zituztela iragarri zuten, eta dagoeneko martxan dira Zelai Ondo auzoko San Juan festa bereziak. Txupinazoarekin eta txistulariekin eman diote hasiera jaiari.
Itxas-Lur tabernaren eskutik, bokadillo txapelketa izango da jarraian. Parte hartu nahi duenak etxean prestatutako bokadilloaren argazkia bidali behar du 645 71 41 95 telefono zenbakira, 12:00ak baino lehenago. 14:00etan berriro botako dute suziria festak martxan direla gogorarazteko eta, ondoren, balkoietatik unblenble egingo dute.