Asteazkenerako, San Juan egunaren bezperarako, finkatu dute hurrengo hitzordua jai batzordekoek. Aurtengoan ez dute ohiko surik egingo, baina, etxeetatik, modu sinbolikoan egingo dute zeremonia. Hiru suziri botako dituzte: 21:45ean, 21:55ean eta 22:00etan. Hirugarren suziriarekin batera, bakoitzak bere kandela piztu eta balkoietara eta leihoetara ateratzeko deia egin dute. 22:15ean, azken suziriarekin batera, txalo zaparradarekin amaituko dira jai alternatiboak.