Helduen Binakako Dantza Txapelketarekin batera, asteartean eman zioten hasiera aurtengo Euskal Asteari. Atzo gaztetxoenen txanda izan zen, eta Olatz Azkue eta Mattin Etxebestek lortu zuten lehen postua. Bigarren sailkatuak, zehazki, Nora Aizpuru eta Iker Zabala azpeitiarrak izan ziren. Hirugarren postua, aldiz, Ane Jaunarena eta Endika Osa lezotarrek osatutako bikoteak lortu zuen.
Azken bikote honek, gainera, jantzi onenaren saria ere jaso zuen, eta bi sarirekin etxeratu ziren. Azkenik, 13 urte azpiko saria Alaitz eta Aner Elortza azpeitiarrentzat izan zen.
