Ostiral honetan, irailak 11, egingo dute udako azkeneko bisita gidatua Iñurritzako biotopora. Doakoa izango da irteera, eta 18:00etan hasiko da itsas pasealekutik. Hain zuzen, Borguetto parean elkartuko dira parte-hartzaile guztiak.
Parte hartu nahi dutenek izena eman beharko dute aldez aurretik, Zarauzko Turismo bulegoan. Bulegora bertaratu daitezke horretarako, edo bestela, telefonoz (943 830 990) nahiz e-mailez (turismoa@zarautz.eus) egin dezakete izen-ematea.