Datorren igandean, irailak 27, izango da aurtengo Gudari Eguna. Ahaztuak 1936-1977 elkarteak antolatuta, oraingoan ere oroimen ekitaldia egingo dute Zarauzko hilerrian, 12:00etan hasita. "Borrokalari antifaxisten eta erregimen frankistaren biktimen omenezko" ekitaldia izango da; hain zuzen, ETAko kide Juan Paredes Manot Txiki zarauztarra eta Angel Otaegi Etxeberria azpeitiarra, eta FRAPeko kide Ramon Garcia Sanz, Jose Luis Sanchez-Bravo eta Jose Humberto Baena oroituko dituzte.
1975eko irailaren 27an fusilatu zituzten bostak, eta frankismoan betearazi zituzten azken heriotza-zigorrak izan ziren.