Gaur egongo dira erabilgarri azken egunez Zarauzko Manzisidor kaleko edukiontziak. Bihar goizetik aurrera edukiontzi horiek erabiltzen zituzten bizilagunek Nafarroa kaleko gunea erabili beharko dute. Urola Kostako Udal Elkarteak jakinarazi duenez, "egokitu" egingo dute kale horretako gunea.
Manzisidor kalean dauden edukiontziak Oteitza Lizeo Politeknikoko ikasleen sarrera lekuan daudela-eta hartu dute neurria. "Kale horretako irisgarritasuna hobetzea eta jende pilaketak ekiditea" dute xede, udal elkarteak azaldu duenez.