Gorka Aranberri zarauztarra ez da Orioko traineruko patroia aurrerantzean. Hala adierazi zuen atzo Orio Arraunketa Elkarteak, mezu hau argitara emanez: "Eskerrik asko Gorka Aranberri, lau urteotan emandako guztiagatik. Zure erabakia profesionaltasunez, kiroltasunez eta errespetuz ulertzen dugu. Emozio, garaipen eta festa handiak bizi izan ditugu Orio AEn, elkarrekin. Zorte on eta uretan ikusiko dugu elkar!".