-1-
Zure artea zuzena dela
ausartzen naiz esatera
Belarritikan sartu ondoren
berehala bihotzera
-2-
Bihotzarentzat ona zarela
gehienak diote hala
Gimnasia gorputzarentzako
osasuntsu den bezala
-3-
Betetzen duzun funtzioa da
giltza magiko batena
Irekitzea lortu ohi duzu
Bihotz zakar itxiena
-4-
Urduri dabilen jendeantzat
Izanikan lasaigarri
Bareegi dabiltzanentzako
bihurturikan pizgarri
-5-
Erabat lagungarria zara
argi ta garbi esanda
Kontuan izanikan zarela
bizitzaren doinu banda
-6-
Festa giroan gabiltzanean
Beharrezko zara antza
Zu gabe ezinezkoa denez
Hain gustuko dugun dantza
-7-
Ezin esan daitezken kontuak
zure bitartez argitu
Isilezinezkoak badira
Jakinbidea handitu
-8-
Ulergarria izan daiteke
izatea zure zale
ondorioz elkartzen direnez
hainbat bikote maitale
-9-
Munduan hainbat hizkuntza mota
erabiltzen dira,hara!!
baina zalantza handirik gabe
ospetsuena zu zara
-10-
Ederki adierazten dituzu
unean poz eta penak
Era horretan ordezkatuaz
munduko hizkuntza denak
-11-
Haurrak oheratzeko garaian
ezinezkoa zu gabe
Jaikitzekoan ere berdintsu
Ozenki edo xuabe
-12-
Misterioa argitu nahirik
lehertuko dut puxika
Hain garrantzitsua zarelako
behar zaitugu, musika!!!