Joana Rhein eta Miguel Crespi sortzaileen lanaren fruituetako bat da Hai, ametsetako arrantzalea ikuskizuna. "Magia, txotxongiloak eta poesia bisuala" dira antzezlan honen oinarriak, hitzetara jo gabe. 3-8 urte arteko haurrei zuzendutako lana da, eta Modelo aretoan izango da ikusgai igande honetan, urriak 25.
17:00etan emango diote hasiera ikuskizunari. Sarrerak Modeloko txartel-leihatilan 4 euroan eskuratu ahal izango badira ere, online ere eros daitezke jada, tickets.kutxabank.es plataforman.
Hona hemen Hai, ametsetako arrantzalearen sinopsia:
"Hitzik gabeko antzezlan honetan, itsas kurkuilu batek ozeanoaren musika egiten du kartoizko ontzi batean. Abiatu da Hai amets arrantzalearen abentura poetikoa, irudimenaren itsasoan barrena".