Zurekin Ostalarien Elkarteak antolatuta, dozenaka lagun elkartu dira gaur Zarauzko Lege zaharren enparantzan herriko ostalaritzaren eskubideak aldarrikatzeko asmoz. Martin Argiñano Zurekin elkarteko zuzendaritzako kideak azaldu duenez, "triste" daude herriko ostalariak, eta horregatik larunbatean kazerolada antolatu dute laguntza gehiago aldarrikatzeko helburuarekin.
