'Hil kanpaiak' eta 'Trolls 2 Gira Mundial' ikusgai asteburu honetan Modelon

Imanol Rayo zinema zuzendariaren euskarazko filma eskainiko dute asteburu honetan. Euskal Herriko aktore ezagunek egin dute lan bertan. Hala nola Eneko Sagardoik, Itziar Ituñok edo Yon Gonzalezek.

Ohi bezala, bi ikus-entzunezko film eskainiko dituzte asteburu honetan ere Modelo aretoan. Azkenaldian bogan da euskarazko zinema, eta datozen egunetan euskaraz filmatutako beste lan bat izango da ikusgai: Hil kanpaiak. Imanol Rayo zinema zuzendariak Euskal Herriko landagunean kokatutako zinema beltza egin du oraingoan eta, bertan, hainbat aurpegi ezagun agertzen dira: Itziar Ituño, Eneko Sagardoy, Kandido Uranga, Yon Gonzalez... Etxeko txikienentzat, berriz, Trolls 2 Gira Mundial animaziozko filma eskainiko dute gazteleraz. 

Honako ordutegi honetan izango dira saioak:

Azaroak 21, larunbata

      16:45     Trolls 2 Gira Mundial
      19:15     Hil kanpaiak
   
Azaroak 22, igandea

      19:15     Hil kanpaiak
 
Azaroak 23, astelehena

      16:45     Hil kanpaiak
      19:15     Hil kanpaiak