San Pelaio ermita zabalik egongo da abenduko ostegunetan

Zabalik egongo da Iñurritza auzoko San Pelaio ermita abenduko lehen hiru ostegunetan: abenduaren 3an, 10ean eta 17an. Jakinarazi dutenez, herritarrentzat "otoitz, meditazio edo kontenplazio gune" izateko zabalduko ditu ateak egun horietan, 10:00etatik 12:00etara.

Bertako arduradunek herritar guztiak gonbidatu dituzte joatera, "behar dira-eta horrelako guneak!".