Euskaraldia 2020

Ana Galarraga: "Gure betebeharra ere bada euskara hitz egiten ez dutenek hizkuntza beraiena dela sentitzea"

Martxan da Euskaraldiaren bigarren edizioa, eta horrela, 'Hamaika arrazoi' elkarrizketa sortako bideoak argitaratuko ditu Urolako Komunikazio Taldeak datozen egunotan, euskararen eta Euskaraldiaren bueltan. Gaurkoan, Ana Galarraga zientzia komunikatzaile zarauztarra da gonbidatua.

Martxan da Euskaraldiaren bigarren edizioa, eta horrenbestez, egunotan, Hamaika arrazoi elkarrizketa sortako bideoak argitaratuko ditu Urolako Komunikazio Taldeak (UKT). Zehazki, Urola Kostako 11 herritako aurpegi ezagunek euskararen eta Euskaraldiaren inguruko galderak erantzungo dituzte.

Seigarren bideoa da gaurkoa, eta zehazki, Ana Galarraga zientzia komunikatzaile zarauztarra.  Hamaika arrazoi sortako elkarrizketak Urolako komunikazio Taldea osatzen duten tokiko hedabideetan –Baleike, Karkara, Uztarria, Maxixatzen eta Zarauzko Hitza–, Urola Kostako Hitzaren atarian nahiz Erlo Telebistan izango dira ikusgai egunero, 19:00etan hasita.

Aurreko egunetan Iñaki Gabarain txirrindulari ohi aizarnazabaldarrari, Aitor Arregi sukaldari getariarrari Ixabel Jauregi euskaltzale azkoitiarrari, Iñaki Oliden idi-zale eta harakin oriotarrari, eta Juan Jose Eizmendi bertsolari errezildarrari egindako elkarrizketak argitaratu ditu UKT-k.