Espainiako Auzitegi Gorenak Bateragune auzia errepikatzeko erabakia hartu ostean, herriz herri mobilizazioak deitu dituzte larunbaterako hainbat alderdi politiko, sindikatu zein eragile sozialek. Zarautzen ere egin dute deialdia: 12:30ean udaletxe aurrean.
Euskal Herriko hainbat taldek jakinarazi dute mobilizazioekin bat egingo dutela. Besteak beste, ELA, LAB, Steilas, ESK, Podemos Euskadi, Ezker Anitza-IU, Nafarroako Izquierda Unida, Gure Esku, Emakumeon Mundu Martxa, Bilgune Feminista, Sare, Etxerat eta CCOO-Euskadi erakundeek egin dute bat.
Demokrazia goiburu hartuta egingo dute protesta larunbatean eta, dagoeneko herriko hainbat alderdi politikok ere adierazi dute sare sozialen bidez bat egingo dutela deialdiarekin.
Estatuak duen arazo estrukturalak konponbide politiko eta demokratikoa behar du.
— EA ZARAUTZ (@EA_Zarautz) December 17, 2020
Mendeku, jazarpen eta autoritarismoak ez dute ekarriko Euskal Herriak behar duen irtenbidea.
Larunbatean #BateraAurre egingo dugu. pic.twitter.com/2m0fXwL7zF
Alderdi politikoek, sindikatuek eta eragile sozialek larunbat honetarako herri guztietan deitutako mobilizazioekin bat eginte dugu. Zarautzen 12:30etan Udaletxeko plazan.#Demokrazia ren aurkako erasoen aurrean #BateraAurre pic.twitter.com/gIJKKjBfAt
— EHBildu Zarautz (@EHBilduZarautz) December 17, 2020