Matrikulazio kanpainan murgilduta daude Araba, Bizkai eta Gipuzkoako ikastetxeak egunotan, baita Zarauzkoak ere. Eusko Jaurlaritzako Hezkuntza Sailak hala zehaztuta, 2021-2022 ikasturterako ikastetxeetan matrikulatzeko aukera zabalduko da hilaren 18an, astelehena, eta 29an amaituko da epea, ostiralarekin.
Epe horretan izena eman ahalko dute 2021-2022 ikasturtean Haur Hezkuntzan, Lehen Hezkuntzan edo Derrigorrezko Bigarren Hezkuntzan ariko diren ikasleek, maila horiek eskaintzen dituzten ikastetxeetan.