Udaltzainek malekoiaren zati bat eta Munoa plazako eremu bat itxi dituzte badaezpada ere, baina azkenean, uste baino olatu txikiagoak (1,5 metro inguru) eta talka leunagoak izan dira. Udaltzainen arabera, baliteke goizeko aurreneko orduan izatea arriskua itsasaldean.
Alarma laranja zegoen ezarrita gaurko, itsasaldeko arriskuagatik. Eusko Jaurlaritzako Segurtasun Sailak aurrekusi zuen zazpi metro inguruko olatuak izango zirela arratsaldean, gutxi gorabehera, 18:00etan hasita, itsasgoran.
