Iragan asteburuan Lapurdin bi lasterketatan parte hartu ondoren, Behe Nafarroa eta Zuberoa bisitatuko dituzte asteburu honetan Grupo EULEN Jira-Bira txirrindulari taldeko mutilek. Aurreko probetan parte hartu ez zutenak aterako dira datozen bietan, Patxi Darthayette txirrindularia izan ezik, baionarrak errepikatu egingo baitu. Ondorengo zazpi txirrindulari hauek aterako dira asteburuan: Santiago Martinez, Patxi Darthayette, Julen Garcia, Joseba Lopez, Gaizka Gurrutxaga, Iñigo Eizagirre eta Unai Cueva.
Bestalde, Jira-Bira taldeak jakinarazi du taldearen web orrialdea sortu dutela: jirabira.com. Bertan jarriko dituzte ikusgai aurrerantzean taldeari buruzko informazio eguneratua, egutegia, lasterketen emaitzak, argazkiak eta abar.