Joan den igandean Putzuzulo gaztetxean egindako zapiak jasotzera igaro zen atzo Zarauztik Emakumeen Mundu Martxako furgoneta. Aurtengoan migrazio politikak, mugak eta transnazionalak jarri dituzte jo-puntuan, eta aldarrikapenez betetako zapiak egin dituzte herriz herri. Martxoaren 6an Irun (Gipuzkoa) eta Hendaia (Lapurdi) arteko mugan egingo duten itxiera ekitaldira eramango dituzte zapiok. Euskal Herrian otsailaren 20an abiatuko zuten nazioarteko ekintza, Zubi guztien gainetik, mugarik ez! Transnazionalik ez! lelo hartuta.