Hondarribiko traineru estropadan parte hartuko du gaur ZAEk

Zarautz Arraun Elkarteko ontzi bana izango da emakumezkoen eta gizonezkoen mailatan lehiatzen. Estreinakoz arituko dira Zarauzko emakumeak.

Hondarribiko XXI. Traineru Jaitsiera jokatuko da gaur arratsaldean. Traineru denboraldirako test edo proba bezala hartuko dute parte hartuko duten klubek, ontzi bakoitza zer egoeratan dagoen ikusteko. 
 
Emakumezkoen eta gizonezkoen mailatan jokatuko da estropada, eta Zarautz Arraun Elkarteak maila bakoitzean ontzi bana aurkeztuko du. Eskualdeko beste klubek ere parte hartuko dute jaitsiera honetan: Getariak, Oriok eta Zumaiak, hain zuzen ere. 
 
16:00etan hasiko da testa, emakumezkoen ontzien jaitsierarekin. Hamabi ontzi arituko dira, tartean, Zarauzko emakumeena, estreinakoz. 16:01ean aterako da. Emakumezkoek amaitu bezain pronto aterako dira gizonezkoak. Hemeretzi ontzi uretaratuko dira kategoria horretan, eta 16:24an izango da ZAEren txanda.
Erlazionatuak

ZAEk hiru traineru ureratuko ditu aurten

Kirola

Aurten 30 emakume inguru animatu dira Zarautzen arraun egitera, eta traineru bat osatzea lortu dute. Gizonezkoen kasuan, bi trainerurekin lehiatuko...