Atzo, apirilak 4, izan zen Pazko igandea, eta beraz, Aberri Eguna. Horregatik, urtero bezala, Zarauzko EAJ-PNV alderdiak zendutako alderdikideak izan zituen gogoan goizean Andre Mariaren Zeruratzea parrokian ospatu zen meza nagusian.
Aurrez, "abertzale guztiei" eskatu zieten etxeetako balkoietan ikurrina jar zezatela, "Eusko Aberriaren ikur nagusia dena, euskaldunontzat hain garrantzitsua den egun hau ospatzeko asmoz".