Gipuzkoako Traineru Txapelketak abiatuko du gaur udako traineru denboraldia, eta bertan izango dira Zarautz Arraun Elkarteko taldeak. Aurtengoan, gainera, emakumezkoen ontzia ere aurkeztuko du ZAEk txapelketara.
Guztira, 25 taldek parte hartuko dute, zazpi txandatan banatuta. Badok 13 beteranoen taldeak lehen txandan parte hartuko du, 11:00etan hasita. Zarauzko gizonezkoek 4. txandan jokatuko dute estropada, 12:30ak inguruan, eta emakumezkoek 5. txandan, 13:00 aldean.