Zarauztik igaro da Sareren 'Ibilian-ibilian etxerako bidean' egitasmoa

Goizeko 9:00ak aldera abiatu dira Zumaian, eta Zarauztik igaro ondoren, Donostian amaitu dute martxa. 

 

Euskal preso, iheslari eta deportatuen etxeratze prozesuan bultzada emateko helburuarekin, gaur abiatu da Zumaiatik Sarek antolatutako 'Ibilian-ibilian etxerako bidean' egitasmoaren hirugarren etapa, eta ondoren igaro da Zarauztik. Hemendik Oriora jarraitu dute, eta Donostian amaitu da martxa.

Hala ere, gaurkoa ez da Sarek antolatutako ekimen bakarra izango. Uztailaren 31n, esaterako, errepidez eta itsasoz eskualdea elkartuko duen 'Ibilian-Ibilian' ekimena egingo da, eta abuztuaren 1ean, Etxeratek urtero antolatzen dituen hondartzetako mobilizazioak egingo dituzte. Antolatzaileek ekitaldietan parte hartzera animatu dituzte herritarrak.