Mailari eusteko mirari bat behar zuen Zarautzek, eta ez da halakorik gertatu gaur Aresen. "Bagenekien egoera zaila zela, baina azken unera arte talde lehiakorra garela erakutsi dugu". Zarautz Arraun Elkarteko patroi Gaizka Garmendiak ETBri egindako adierazpenak izan dira estropada amaitu bezain pronto.
Halaxe erakutsi du gaurko lehian ere: play-offerako bidean aurkari zuzena izan duen Tiranekin orpoz opo ibili da ia txanda osoan, baina azken luzean, bi segundo atzetik helmugaratu da, laugarren postuan; sailkapen orokorrean azkenak izan dira. Hori horrela, hamabi puntuko aldea ateratzen diete galiziarrek, Moañako jardunaldiaren faltan, eta matematikoki jada, azken postuan bukatuko du Zarautzek denboraldia. Ondorioz, datorren urtean KAE 1 ligan lehiatuko da.
Garmendiak, bestalde, iradoki du oraindik denboraldiko estropada onena egiteko dutela, iazko Kontxako sailkapena gogora ekarrita.
SAILKAPENA
| KLUBA | DENBORA | ALDEA | ||||
|---|---|---|---|---|---|---|
| 1 | SANTURTZI TRANSPORTES Y GRUAS AGUADO | 19:56,94 | ||||
| 2 | GO FIT HONDARRIBIA | 19:57,68 | 00:00.74 | |||
| 3 | DONOSTIARRA AMENABAR | 20:15,64 | 00:18.70 | |||
| 4 | CR CABO DA CRUZ | 20:18,64 | 00:21.70 | |||
| 5 | ORIO ORIALKI | 20:19,08 | 00:22.14 | |||
| 6 | ZIERBENA BAHIAS DE BIZKAIA | 20:20,32 | 00:23.38 | |||
| 7 | BERMEO URDAIBAI AVIA | 20:27,64 | 00:30.70 | |||
| 8 | LEKITTARRA ELECNOR | 20:50,35 | 00:53.41 | |||
| 9 | ONDARROA CIKAUTXO | 20:51,18 | 00:54.24 | |||
| 10 | CLUB DE REMO DE ARES | 20:51,89 | 00:54.95 | |||
| 11 | SD TIRÁN PEREIRA | 21:09,69 | 01:12.75 | |||
| 12 | ZARAUTZ GESALAGA-OKELAN | 21:11,71 | 01:14.77 |
