Lanbide Heziketako EuskoSkills olinpiadak jokatu dituzte egunotan Irungo (Gipuzkoa) Ficoba aretoan, eta Zarauzko Monte Albertiako ikasleek bost domina erdietsi dituzte guztira: urrezko bi, zilarrezko bi eta brontzezko bat. Estetika arloan, lehen hiru postuak Zarauzko ikastetxeko ikasleentzat izan dira; eta ile-apainketa arloan, bigarren eta hirugarren postuak.
Guztira EAEko Lanbide Heziketako 41 ikastetxeetako 146 ikaslek hartu dute parte aurtengo txapelketan, eta 19 modalitatetan lehiatu dira.