Sanz Enea kultur etxeko sotoko Ikasgela zabalik egongo da gaur eta bihar, eta baita gainontzeko asteburuetan ere, urtarrilaren 30era arte. Hori erabaki du udalak, herritarren eskaerei erantzuteko asmoz. Ikasleek erabiltzen dute gela hori, ikasteko.
Larunbat eta igandeetan ez ezik, jaiegun batzuetan ere zabalduko ditu ateak: abenduaren 6an eta 8an, eta urtarrilaren 6an, hain zuzen.
Asteburuetako ordutegia 10:00etatik 13:00etara eta 15:00etatik 20:00etara izango dela jakinarazi du udalak.
Kokapen berri bila
Sanz Eneako Ikasgelak 34 pertsonarentzako tokia dauka, eta Irune Urbieta Hezkuntza zinegotziak esan du udala "Ikasgelarentzat behin betiko kokapen baten bila" dabilela.
"Bitartean, herritarrek egin dizkiguten eskaerei erantzun bat eman nahian, zerbitzua indartu dugu", gaineratu du.