Urtero bezala, Olentzero eta Mari Domingi Santuiturri plazara iritsiko dira ostiral honetan, abenduaren 24an, herriko haurren gutunak jasotzera. Arratsaldez beharrean, goizez egingo dute beraien agerpena, 11:00etatik 14:00ak bitartean.
Meltxor, Gaspar eta Baltasar ere etorriko dira opariekin, urtarrilaren 5ean, baina ez dute zaldi gainean egingo kabalkada. Aurten desfilea izango da, baina karroza handi batean ibiliko dira auzoz auzo. Bestalde, Bizarzuri ez da etorriko, eta haren postontzia Lege Zaharren enparantzan jarriko dute hilaren 27tik aurrera.