Abenduaren 30ean iragarri zuen Sarek urtarrilaren 8an Bilbon egitekoa zuen urteroko manifestazio jendetsua bertan behera uztea. Bigarren urtea da mobilizaziorik egingo ez dena, COVID-19ak eragindako egoerak hala baldintzatuta. Zentzu horretan, «sakon hausnartu ondoren» hartutako erabakia izan dela jakitera eman dute antolatzaileek. Horren partez, aldarriari eustea "garrantzitsua" iritzi diote, eta herrietara eramango dituela euskal presoen eskubideen aldeko mobilizazioak.
Zarautzen, Munoa plazatik abiatuta egingo dute manifestazioa; larunbatean bertan izango da, 17:00etan hasita. Urola Kostako gainerako herrietan ere egingo dituzte mobilizazioak; hona hemen herriz herriko hitzorduak:
AZKOITIA; 17:00, plazan
AZPEITIA; 18:30 plazan elkarretaratzea
ERREZIL; 17:00tan goiko plazan
GETARIA; 19:00, plazan
ORIO;17.30,plazan
ZARAUTZ; 17:00etan, Munoan
ZESTOA; 18:30, plazan
ZUMAIA; 17etan Kofradian