Haur Kultur Taldeak antolatuta, ETBko Go!azen telesail arrakastatsuko pertsonaien kontzertua izango da gaur Lizardi kirol aretoan. Bi saio eskainiko dituzte: bata 17:45ean eta bestea 19:45ean. Bigarren saiorako ehun sarrera inguru geratzen dira oraindik ere saldu gabe, eta HKTk jakinarazi du gaur eskuragarri egongo direla kirol aretoko leihatilan, 17:00etatik aurrera.
Osasun egoera eta agintariek hartutako neurriak direla medio, 12 urtetik gorakoei COVID ziurtagiria eskatuko zaie.