Igande honetan hasiko da Gipuzkoako Batel Liga, Urumea ibaian. Orduak astero-astero zehaztuko dituzte, baina egutegia prest du Gipuzkoako Arraun Federazioak. Guztira 11 jardunaldi izango dira apirilaren 3ra bitartean, eta 96 ontzik parte hartuko dute aurtengo ligan, emakumezkoen 47 ontzik eta gizonezkoen 49 ontzik.
Horietatik sei batel zarauztarrenak izango dira: infantil nesketan bi ontzi izango dituzte, promesa nesketan eta mutiletan bana, jubenil mutiletan ere ontzi bat izango dute; eta baita gizonezko absolutuetan ere.
Egutegiaren arabera, Zarautzen jokatuko da ligako zortzigarren jardunaldia, martxoaren 13an. Zumaian eta Getarian ere izango dira batelak, otsailean Zumaian, eta martxoan Getarian.