Euskaraldiko lehen batzarra antolatu dute maiatzaren 5erako

Euskaraldia ate joka dator, eta datorren asteko ostegunean, maiatzaren 5ean, Zarauzko herri batzordeko bilera egingo dute. Aurten inoiz baino gehiago, gazteen beharra dute, baina gogotsu dagoen edozein izango da ongi etorria.

Gaztelekuan izango da saioa, 18:00etan hasita, eta ordubete inguru iraungo du. Bertan, Euskaraldiaren 3. edizioko nondik norakoak eta berrikuntzak izango dituzte hizpide.