Zarautzek 0-3 galdu du Gipuzkoako Herriartekoaren lehen kanporaketako joanekoa

Palista azkoitiarrak izan zituzten aurkari zarauztarrek atzo jokatutako jardunaldian. Datorren igandean, maiatzak 15, itzulerako jardunaldia jokatuko dute Azkoitiako Gurea pilotalekuan, eta final laurdenetarako txartela egongo da jokoan norgehiagoka horietan.

Hasi da dagoeneko Gipuzkoako Herriarteko Txapelketa, eta atzo, larunbata, lehen kanporaketako joaneko jardunaldia 0-3 galdu zuten palista zarauztarrek. Azkoitia izan zuten aurkari etxean, eta hiru partidak galdu zituzten: kantxa osoko buruz burukoa 7-20, binakakoa 14-20 eta banaka zazpi koadroren barruan 3-20.

Datorren igandean, maiatzak 15, itzulerako partida jokatuko dute Azkoitiako Gurea pilotalekuan, eta final laurdenetara sailkatzeko txartela egongo da jokoan hiru partida horietan. Final laurdenetara sailkatuz gero, Soraluze izango lukete aurkari zarauztarrek.