Eguzki Izarra etxea eraitsi dute

Eguzki Izarra eraisten. (Xabier Txurruka)

Iñurritza 13-2 eremuko antolamendu planari behin betiko onespena eman zion Udalbatzak joan den azaroan. Bertan zehaztutako ekintzak aurrera eramaten hasteko, atzo Eguzki-Izarra etxea eraisten aritu ziren makinak.

Honako hauek jasotzen ditu planak:

  • Salbatore Mitxelena ikastola egungo kokalekuan mantentzea, baina handitzeko eta hobetzeko aukerarekin.

  • Eguzki-Izar eremuan 180 etxebizitza eraikitzea (72 babestutakoak eta 108 salmenta librekoak); eremu berean, hotel bat erakitzea.

  • Maria Etxetxikiko udal jabetzako eraikina finkatzea eta Eguzki-Izarren udal lokalak eta aparkaleku publikoa lortzea.

  • Iñurritza ibaiaren ertzak berreskuratzea eta naturalizatzea.

  • Biribilgune berri bat eraikitzea Gipuzkoa eta Nafarroa kaleen arteko bidegurutzean.

  • Eremua hegoaldetik mugatzen duen trenbideari dagokionez, trenbidea bikoizteko behar den trenbide plataforma bermatzeko euste horma bat eraikitzea.